أحلام الجريتلى وقصة 25 عام من الحب مع زوجها وماذا قال النجوم عنها

أجبرت الكل إنه يحبها، مش بس جمهورها اللي كان بيستنى مشاهدها لكن كمان زملائها من أصغر واحد لأكبرهم  هى الفنانة القديرة "أحلام الجريتلي" 

اللي خبر وفاتها صدم كل محبيها وهز السوشيال ميديا ونعاها كل جمهورها وأصدقائها وقالت عنها روجينا إنها كانت عظيمة ، وستظل باقية بأدوارها اللى أثرت فينا وفى جمهورها وكمان بسيرتها الحلوة، وإنها قبل ماتكون فنان كانت إنسانة عظيمة. 

توفيت الفنانة أحلام الجريتلي يوم الأحد 28 فبراير سنة2021 عن عمر يناهز 73 سنة بسبب تعرضها لأزمة قلبية، ولفظت أنفاسها الأخيرة بدون أي عرض صحي. 

فكشفت ابنة الفنانة أحلام أن والدتها مكانتش بتعاني من أي أمراض على العكس تمامًا كانت حالتها الصحية كويسة جدًا، ولكن فجأة وبدون سابق إنذار أغمي عليها في وسط اليوم، وعلى الفور إتصلت بنتها بالدكتور، ولكنها توفيت قبل مايوصل، والمفاجأة أنه أكد أن الوفاة جاءت نتيجة أزمة قلبية. 

وصرح "عزوز عادل" عضو مجلس نقابة المهن التمثيلية إن الفنانة أحلام كانت بصحة جيدة جدًا وكانت بتقوم بتصوير مشاهدها وتمارس عملها بشكل طبيعي، وقال : إن تاني يوم وفاتها كان عندها أوردر تصوير في مسلسل نسل الأغراب، وكانت بتستعد له عادي، لكن القدر كان ليه رأي تاني. 

وعن آخر كلمات قالتلها الفنانة أحلام على حسابها الشخصي فيس بوك، إتكلمت عن الموت وعن وفاة زوج أختها وعلقت وقالت : " إن الدنيا دى غريبة، يوم فرح ويوم حزن، إمبارح الكل كان بيهنيها بعيد ميلادها، والنهارده الكل بيعزيها في محمد زوج أختها المرحومة آمال ووالد وائل وريم، سبحان الله وأهي ماشية، شوية حزن وشوية فرح، وآخرتها متر في متر ".

يذكر إن الفنانة أحلام من مواليد 20 فبراير سنة 1948، وهى متزوجة من الدكتور "شيرين حسين" من أكتر من 25 سنة وهى الزوجة الثانية ليه بعد إنفصاله عن زوجته الأولى اللي أنجب منها بنت وحيدة ولم ينجب من أحلام  أي أطفال. 

وسنة 2017 حكت أحلام عن قصة تعارفها على زوجها وحبهم لبعض وقصة عدم إنجابهم فقالت إنها إتعرفت عليه في المعهد لإنه كان صديق أختها الكبيرة آمال، وفي يوم لقيت جرس التليفون بيرن، فرديت لقيته هو، وكان بيسأل عن (آمال)، فعزمته على مسرحية ليها بمسرح السلام، وكان طول العرض بيصقفلها، وبعد  العرض، كله مشي وفضل هو قاعد، وعزمها على العشا، ومن هنا بدأت علاقتهم، وارتبطوا في فترة قصيرة وبعدها تزوجوا على طول، وطلبت منه طلب واحد وهو  إنه يوفرلها الأمان، وبالفعل بعد الزواج أصبح (واحة الأمان)، وأضافت إنها مش بتغير عليه من زوجته الأولى، وبنته لما بتيجي البيت عندها بتبقى مش عايزة تمشي، لإنها تزوجت من شيرين وبنته عندها  12 سنة، وأضافت إن شيرين بتعتبره إبنها مش بس جوزها، و عدم إنجابهم الأطفال من عند ربنا مش بإرادتهم وبتعتبر أولاد أخواتها زي أولادها.