إعلان

زوجة شريف منير لبناتها.. اديتكم عمري وسيبتوني واللي ملوش خير في أمه ملوش خير في حد


أثارت زوجة الفنان شريف منير الجدل بعد لما نشرت فيديو لشريف منير وبناته الاتنين “فريدة وكاميليا” وهما في مطعم ومبسوطين، وتعليقها على الفيديو هو اللي عمل الضجة الكبيرة دي.


فقالت "رسالة لبناتي فريدة و كاميليا بما أنكم خلاص قررتوا تبقوا مش في حياتي بعد ما إديتكم عمري وصحتي وحبي وإهتمامي وضحيت عشانكم كتير!!

ونهت كلامها وقالت: أن ربنا موجود وكبير وقادر على اللي عمل فيكم كده أنه يرده ليه في يوم من الأيام!!! مامي لورا يمكن تكونوا نسيتوا اسمي"


والموضوع ماخلصش هنا لان بناتها “فريدة وكامليا” ردوا عليها في التعليقات..

فكتبت فريدة: ليه بتعملي كده؟ ليه بتخلي شكلنا كده قدام الناس؟

وردت عليها والدتها: أنتوا بتموتوني كل يوم وأنتي عارفة كده كويس ربنا يهديكي صحيح الزن على الودان أمر من السحر.

وكاميليا كمان علقت على كلامها وقالت: عمرنا ما بعدنا عندك وغير كده أنا كنت لسه قاعدة معاكي إمبارح مكنتش عارفة أنك بتفكري كده.

وبعد البوست ده شريف منير وبنته فريدة لغوا متابعة لورا من على الانستجرام..

طبعًا منشور لورا فاجأ الجمهور اللي على طول بدأ يدور ويشوف ايه الحكاية..

ولقوا أنها في مارس 2021 ظهرت في برنامج "الستات ما يعرفوش يكدبوا" وإتكلمت عن علاقتها بجوزها شريف منير وقالت انها زمان كانت بتغير عليه كتير، لكن شريف إتغير للاحسن بعد الجواز ومبقاش بيخليها تحس بالغيرة يعني لحد السنة اللي فاتت كانت علاقتهم مستقرة.

بس من فترة شريف ماظهرش خالص معاها على السوشيال ميديا، وآخر صور نشرها كانت مع بناته ولما الصحافة حاولت تعرف ايه سبب المشكلة قال شريف أن دي أمور عائلية.. وهو مش هيتكلم فيها.


وكتير مايعرفوش أن لورا عماد، إسمها الحقيقي لورا عبد الآحد، وإتولدت يوم 1 يناير سنة 1972.

وبدأت حياتها كموديل إعلانات، وبعدين دخلت مجال التمثيل بالصدفة وكان أول افلامها فيلم البطل، بطولة الفنان أحمد زكي.

وكان آخر ظهور ليها من خلال فيلم "لو كان دا حلم" سنة 2001، وبعدين اعتزلت الفن بعد لما اتجوزت الفنان شريف منير، عشان تتفرغ لتربية بناتها فريدة وكاميليا.

ورجعت مرة تانية للساحة الفنية سمة 2022 من خلال مسلسل نصيبي وقسمتك 4، وشاركت في حكاية وأنسى روحي وياك.