تصدرت الفنانة ياسمين عبدالعزيز وشقيقها، محركات بحث جوجل، وأصبحت "تريند" على مواقع التواصل الاجتماعي، بعد ما فاجئ الفنان وائل عبد العزيز شقيق الفنانة ياسمين عبد العزيز متابعيه على صفحته الرسمية بتوجيه رسالة شديدة اللهجة وعاتب شقيقته على صورها مع الفنان أحمد العوضي وتكرار ظهورهم مع بعض فى أكتر من مناسبة فى الفترة الأخيرة.
أسلوب وائل آثار جدل واسع على مواقع التواصل الإجتماعى. قال وائل عبد العزيز في رسالته: "بصي يا ياسمين يا عبد العزيز يا أختي.. أنا معاكي وفي ضهرك من وإنتي صغيرة شيلت مشاكل كتيًر بسببك من وإنتي عيلة صغيرة، بداية من مشاكلك مع الشاعر وإنتي عارفة إن أنا اتأذيت فيها إزاي وقضية الشغالات مؤخرًا غير قضية الضرب الي كانت بينك وبين بنت هشام سليم الممثلة اللي لبستيها التورتة في وشها.. ووقفت جمبك بكل ما أملك من قوة أدافع عنك في كل موقف صعب مر عليكي ونسيت حياتي ونفسي عشانك وبقي كل همي أنا ووالدتك إنك تكبري وتبقي نجمة في مجالك". سيبنالك إختياراتك كلها لنفسك ووافقنالك على معظم قراراتك وكنت الوحيد اللي ساندك ووقفت جنبك في طلاقك.. لكن هنهرتل وتروحي تعرفي واحد أصغر منك بـ 10 سنين.. لا من سنك وتتصوري صور مالهاش اَي لازمة علي حساب سمعتك وسمعتنا.. لا ومحدش هيسمح". من امتى وإحنا بنعمل أعياد ميلاد وتنزل علي السوشيال ميديا.. من امتي الناس بتجيب في سيرتنا!؟ ونقعد نتعاكس علي السوشيال ميديا ومع ذلك حياتك وإنتي حرة فيها.. أنا هتكلم على الشق اللي يخصني.. إنتي مقاطعة كل العيلة عشان تعملي اللي علي مزاجك.. إحنا دلوقتي عايزين نفهم العلاقة دي إيه رايحة على فين". أما بالنسبة للأخ اللي ماشي وراكي في كل حته وشايفك البيضة الدهب الي هتفقس له كل يوم أحب أقولك يا راجل لما تيجي تدخل بيت تدخله من بابه يا راجل!! وتقعد مع رجالة البيت!!.. دي الأصول وده الإحترام.. وطبعا لأنك عارف إنك مرفوض رفضًا باتا فعمرك ما هتعمل ده ومعندكش غير طريق الشمال اللي إنت سالكه من سنين مع بنات الناس!!".
وأنهى وائل عبد العزيز رسالته "أنا من رأيي كفاية عليك البطولة اللي أخدتها والعربية المرسيدس الهدية.. وتركز في شغلك وتسيبنا في حالنا لإن طول عمرنا في حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد".
ورداً على رسالة وائل نشرت ياسمين عبد العزيز صورة بتجمعها بالفنان أحمد العوضى، على صفحتها الرسمية، وكتبت ياسمين على الصورة "بحبك يا أحمد" ورد العوضى على الصورة بنشر صوره بتجمعه بياسمين على صفحته الرسمية وعلق "بحبك يا ياسمين" ورد أحمد العوضى على تصريحات وائل وقال "باب إيه يابني اللي هدخله من بابه وأكلم واحد بيتكلم على عرضه ولحمه قدام الناس.. يابني أنا من عين شمس منطقه شعبيه إتربيت على إن الاخت والأم والست الكلام عليهم من الكبائر.. عربية إيه يابني أنا أجري الحمد لله يعيشني كويس ويجيبلي عربية حلوه وبیت كويس.. بمجهودي وشغلي مش علي عرق واحدة ست.. باب إيه يا حبيبي اللي أدخله وانت اصلا عايش باسمها.. أنا شقيت على حالي بعرقي.. لكن أنت فشلت في كل شيئ فشلت كممثل وفشلت كأب وفشلت كأخ وفشلت كبني أدم".
وعلى خلفية الأزمة إعتذرت الفنانة ياسمين عبد العزيز عن حضور تكريمها خلال فعاليات الدورة التاسعة من مهرجان الأقصر للسينما الإفريقية، بعد ما كانت عبرت فى تصريح سابق عن سعادتها الكبيرة بالتكريم وشكرت إدارة مهرجان الأقصر للسينما عليه مؤكدة على أهمية المهرجان وتفرده في الاهتمام بالسينما الأفريقية.
وأكد وائل عبد العزيز أنه هيظهر مع الإعلامى وائل الإبراشى على شاشة القناة الأولى بالتلفزيون المصرى للحديث عن أزمته مع شقيقته الفنانة ياسمين عبد العزيز، واللى أثارت جدل كبيرا خلال الساعات الماضية.
أسلوب وائل آثار جدل واسع على مواقع التواصل الإجتماعى. قال وائل عبد العزيز في رسالته: "بصي يا ياسمين يا عبد العزيز يا أختي.. أنا معاكي وفي ضهرك من وإنتي صغيرة شيلت مشاكل كتيًر بسببك من وإنتي عيلة صغيرة، بداية من مشاكلك مع الشاعر وإنتي عارفة إن أنا اتأذيت فيها إزاي وقضية الشغالات مؤخرًا غير قضية الضرب الي كانت بينك وبين بنت هشام سليم الممثلة اللي لبستيها التورتة في وشها.. ووقفت جمبك بكل ما أملك من قوة أدافع عنك في كل موقف صعب مر عليكي ونسيت حياتي ونفسي عشانك وبقي كل همي أنا ووالدتك إنك تكبري وتبقي نجمة في مجالك". سيبنالك إختياراتك كلها لنفسك ووافقنالك على معظم قراراتك وكنت الوحيد اللي ساندك ووقفت جنبك في طلاقك.. لكن هنهرتل وتروحي تعرفي واحد أصغر منك بـ 10 سنين.. لا من سنك وتتصوري صور مالهاش اَي لازمة علي حساب سمعتك وسمعتنا.. لا ومحدش هيسمح". من امتى وإحنا بنعمل أعياد ميلاد وتنزل علي السوشيال ميديا.. من امتي الناس بتجيب في سيرتنا!؟ ونقعد نتعاكس علي السوشيال ميديا ومع ذلك حياتك وإنتي حرة فيها.. أنا هتكلم على الشق اللي يخصني.. إنتي مقاطعة كل العيلة عشان تعملي اللي علي مزاجك.. إحنا دلوقتي عايزين نفهم العلاقة دي إيه رايحة على فين". أما بالنسبة للأخ اللي ماشي وراكي في كل حته وشايفك البيضة الدهب الي هتفقس له كل يوم أحب أقولك يا راجل لما تيجي تدخل بيت تدخله من بابه يا راجل!! وتقعد مع رجالة البيت!!.. دي الأصول وده الإحترام.. وطبعا لأنك عارف إنك مرفوض رفضًا باتا فعمرك ما هتعمل ده ومعندكش غير طريق الشمال اللي إنت سالكه من سنين مع بنات الناس!!".
وأنهى وائل عبد العزيز رسالته "أنا من رأيي كفاية عليك البطولة اللي أخدتها والعربية المرسيدس الهدية.. وتركز في شغلك وتسيبنا في حالنا لإن طول عمرنا في حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد".
ورداً على رسالة وائل نشرت ياسمين عبد العزيز صورة بتجمعها بالفنان أحمد العوضى، على صفحتها الرسمية، وكتبت ياسمين على الصورة "بحبك يا أحمد" ورد العوضى على الصورة بنشر صوره بتجمعه بياسمين على صفحته الرسمية وعلق "بحبك يا ياسمين" ورد أحمد العوضى على تصريحات وائل وقال "باب إيه يابني اللي هدخله من بابه وأكلم واحد بيتكلم على عرضه ولحمه قدام الناس.. يابني أنا من عين شمس منطقه شعبيه إتربيت على إن الاخت والأم والست الكلام عليهم من الكبائر.. عربية إيه يابني أنا أجري الحمد لله يعيشني كويس ويجيبلي عربية حلوه وبیت كويس.. بمجهودي وشغلي مش علي عرق واحدة ست.. باب إيه يا حبيبي اللي أدخله وانت اصلا عايش باسمها.. أنا شقيت على حالي بعرقي.. لكن أنت فشلت في كل شيئ فشلت كممثل وفشلت كأب وفشلت كأخ وفشلت كبني أدم".
وعلى خلفية الأزمة إعتذرت الفنانة ياسمين عبد العزيز عن حضور تكريمها خلال فعاليات الدورة التاسعة من مهرجان الأقصر للسينما الإفريقية، بعد ما كانت عبرت فى تصريح سابق عن سعادتها الكبيرة بالتكريم وشكرت إدارة مهرجان الأقصر للسينما عليه مؤكدة على أهمية المهرجان وتفرده في الاهتمام بالسينما الأفريقية.
وأكد وائل عبد العزيز أنه هيظهر مع الإعلامى وائل الإبراشى على شاشة القناة الأولى بالتلفزيون المصرى للحديث عن أزمته مع شقيقته الفنانة ياسمين عبد العزيز، واللى أثارت جدل كبيرا خلال الساعات الماضية.
